Январь ойида Хитой антикоррурция ташкилоти "Шанхай Шенхуа"дан 10, "Шанхай Порт"дан эса 5 очко олиб ташлаганди. 73 киши футболдан умрбод четлатилганди.
"South China Morning Post" маълумотига кўра, энди ассоциацияси яна 17 кишини футболдан умрбодга четлатди, шунингдек, 48 нафар инсон 5 йилга футбол фаолиятларидан маҳрум қилинди. Ушбу санкциялар клуб раҳбарлари, мураббийлар, футболчилар ва ҳакамларга қўлланилди. Кўплаб ҳолатларда жазоланувчилар ўйин натижаларига сунъий таъсир қилишган.
Масалан, 17 нафар умрбод четлатилганлар орасида "Шэньчжэнь" клуби собиқ менежери Дин Юн, "Чжунъю" клуби собиқ менежери Ши Яоюн, "Мэйчжоу Хакка" клуби собиқ менежери Цао Ян каби инсонлар бор. 48 нафар 5 йилга четлатилганлар сирасида эса "Гуанчжоу" клубида бош менежер бўлиб ишлаб келаётган Гао Хань, "Бэйцзин Гоань" клуби собиқ бош менежери Ли Мин каби мамлакатнинг машҳур футбол инсонлари кирган.
Шунингдек, "Мэйчжоу Хакка" клуби янги мавсумни -6 очко билан бошлаши ва 800 000 юань (117 600 доллар) жарима билан жазоланиши маълум қилинди.
