Вальверде: “Бахтлимиз, аммо бизни олдинда янги чақириқлар кутиб турибди”

“Мавсум якунланишиа бир неча тур қолганда, чемпионликка эришиш – ажойиб натижа. Чемпионатда кучли рақибларимиз бўлишига қарамай, биз иккинчи йилдирки муддатидан олдин чемпионликни қўлга киритаяпамиз. Бахтли лаҳзалар, аммо олдимизда забт этилиши лозим бўлган янги довонлар бор.

Бугун Месси 45 дақиқа тўп тепиши керак эди. Чоршанба куни “Ливерпуль”га қарши муҳим баҳс бор ва биз унга тайёр бўлишимиз лозим”, дея Вальверденинг сўзларидан иқтибос келтирмоқда sport.es.

“Барселона” 83 очко жамғариб жорий мавсумда Примерода тенгсиз эканлигини исботлади. Кўк-анорранглилар ўз тарихларида 26-марта Испания чемпионлигини қўлга киритишди. Каталонияликлар ўтган йили ҳам ушбу совринга эга чиқишганди.

Чемпионатнинг қолган уч турини “Барса” “Сельта”, “Хетафе” ва “Эйбар”га қарши ўтказади. ЕЧЛ ярим финалида эса жамоа “Ливерпуль” билан куч синашади.