Ушбу ташаббуснинг асосий мақсади — ўйин давомида видеоёрдамчилар (VAR) иштирокини кескин камайтиришдан иборат. Бундан буён VAR мутахассислари фақат бош ҳакамнинг аниқ ва яққол хатоларигагина аралашади ва майда эпизодларни батафсил таҳлил қилишдан бутунлай воз кечилади.
“Clear Line” — бу УЕФАнинг ҳакамлик бўйича ҳаммага очиқ видеотекаси. У ташкилот томонидан ҳакамлар ва VAR мутахассисларига бериладиган расмий тавсиялар ҳамда кўрсатмалардан эркин фойдаланиш имконини беради ва бутун Европа бўйлаб ўйин қоидаларининг бир хил қўлланишини таъминлайди.
Майдондаги марказий фигура яна бош ҳакам бўлиши керак. Европа футболи раҳбариятининг ушбу қадами ФИФАнинг сўнгги Жаҳон чемпионатида намойиш этган янада қаттиқ ёндашувига тўғридан-тўғри зид келади.
Таъкидлаш жоизки, VAR тизими илк бор УЕФА томонидан 2019 йилги Чемпионлар Лигасининг плей-офф босқичида расман жорий этилган эди ва шундан бери ташкилот шафелигидаги барча халқаро турнирларга тарқатилган.
