"Лео учун сўз топиш қийин. Мен яна нима ҳам дея олардим? У ақл бовар қилмас даражада кучли. У буни охирги 20 йилдан бери такрорлаб келмоқда. Бутун футбол олами уни томоша қилишни истайди ва унинг ўйинидан завқ олади.
Илк учрашув доим қийин кечади. Аввалги жаҳон чемпионати стартида биз қоқилган эдик (Саудия Арабистонидан мағлубият 1:2 — таҳр.), шу сабабли бугун турнирни ғалаба билан бошлаш биз учун ҳаётий муҳим аҳамиятга эга эди.
Биз қийинчиликка чидаш кераклигини билардик. Рақиб шаклланган, яхши ўйнайдиган жамоа эканлигини тушуниб тургандик. Йигитлар улкан ҳажмдаги ишни бажаришди, бу жуда мураккаб ўйин бўлди.
Охирги сонияларгача ҳар бир тўп учун курашиш — бу бизнинг услубимиз. Мен айнан мана шу жиҳатни алоҳида кўрсатиб ўтган бўлардим", — дея Скалонининг сўзларини келтиради Аргентина терма жамоаси матбуот хизмати.
