ЖЧ-2026 мусобақасига АҚШ, Канада ва Мексика мезбонлик қилди. Турнир ўйинларининг умумий томошабинлар ташрифи қарийб 7 миллион кишини ташкил этди ва бу мусобақа тарихидаги мутлақ рекорд натижа бўлди.
"Бунгача ҳеч бир тадбирда, хоҳ у оддий футбол бўлсин, хоҳ америкача футбол — қандай аташдан қатъи назар, бунақаси кузатилмаган. Менимча, бу шунчаки ақл бовар қилмас даражада ўтди. Бу Халқаро футбол федерациясининг ҳар қандай тадбиридан тўрт баробар йирикроқ бўлди. Аслида эса, бугун менга маълум қилишларича — тахминан беш баробар каттароқдир. Биз мамлакатимиз билан фахрланамиз. Барча томонидан амалга оширилган меҳнатдан ғурурланамиз.
Биз Жанни Инфантино ва унинг жамоасини ушбу улкан иш билан табриклаймиз. Бу инсоният тарихида ўтказилган энг буюк воқеалардан биридир. Ҳаммаси муваффақиятли ўтганидан хурсандмиз. Бутун дунёдан одамлар ташриф буюришди ва уларга мамлакатимиз маъқул келди. Бу давлатимизни янгича қиёфада кўрсатди. Бу ажойиб тадбир бўлди, сизларга ҳам манзур келганидан хурсандман", — дея Трампнинг сўзларини журналист Ник Сортор Х ижтимоий тармоғида келтиради.
