Лондон клуби ҳужум чизиғини кучайтириш бўйича ёзги кампания доирасида ушбу футболчи номзодини кўриб чиқмоқда, деб хабар беради Caught Offside.
"Манчестер Сити" Мармушнинг трансфер қийматини тахминан 60 миллион еврога баҳоламоқда. Египетлик форвардга "Тоттенхэм"дан ташқари Туриннинг "Ювентус", Истанбулнинг "Галатасарай" клублари ҳамда Германия Бундеслигасининг бир нечта жамоалари қизиқиш билдирмоқда.
Якунланган 2025/2026 йилги мавсумда Омар Мармуш барча турнирларда 36 та ўйинда иштирок этиб, саккизта гол урди ва учта голли узатмани амалга оширди. Унинг "шаҳарликлар" билан амалдаги шартномаси 2029 йилнинг 30 июнигача мўлжалланган.
