Финал учрашувида "Фурия Роха" қўшимча вақтда Аргентина терма жамоасини 1:0 ҳисобида мағлуб этди. Ягона гол вингер Нико Уильямснинг узатмасидан сўнг ҳужумчи Ферран Торрес томонидан киритилди.
"Футбол ғолиб бўлди", — деб ёзди Кроос Х ижтимоий тармоғидаги ўз саҳифасида.
Бу Испания учун ўз тарихидаги иккинчи жаҳон чемпионлиги унвони бўлди. "Фурия Роха" илк бор 2010 йилги жаҳон чемпионатида зафар қучган ва ўшанда финалда Нидерландияни мағлуб этган эди (қўшимча вақтда 1:0). Аргентина терма жамоаси эса чемпионлик тожини топшириб, кумуш медаллар билан қолди. Эслатиб ўтамиз, Германия терма жамоаси ушбу турнирдаги иштирокини 1/16 финалдаёқ якунлаб, Парагвайга имкониятни бой берган эди (1:1, пенальтилар бўйича 3:4).
