Тен Хаг "Манчестер Юнайтед"нинг кейинги мавсумдаги режаларини тузишда фаол қатнашмоқда
06 апр 2024 00:55
Янгиликлар

Тен Хаг "Манчестер Юнайтед"нинг кейинги мавсумдаги режаларини тузишда фаол қатнашмоқда

Мураббийнинг клубда қолиш эҳтимоллиги баланд.

"Манчестер Юнайтед" клуби бош мураббийи Эрик тен Хаг жамоанинг кейинги мавсумдаги режаларини тузишда муҳим ўрин эгалламоқда.

The Athletic нашрининг ёзишича, МЮ мураббийнинг келажаги бўйича бирор қарор қабул қилмаган, аммо тен Хаг жамоанинг янги мавсумдаги режаларини тузишда асосий ўринни эгалламоқда. Мураббий трансферлар бўйича йиғилишлар ва тиббий штабдаги ўзгаришларни амалга оширишда қатнашмоқда. Янги раҳбарият айнан шу икки жиҳатга алоҳида эътибор қаратган. Бундан ташқари, тен Хаг АҚШда бўладиган турне учун меҳмонхоналарни ҳам ўзи танламоқда.

Клубга яқин инсонларнинг билдиришича, тен Хаг янги мавсумда ишлашга муносиб деб кўрилмоқда. МЮнинг янги раҳбарияти ёмон натижаларга асосий сабаб деб жароҳатларни кўрмоқда.

Маълумот учун, айни дамда МЮ АПЛда 48 очко билан олтинчи ўринда бормоқда. Бешинчи ўриндаги "Тоттенхэм"да 57 очко бор.

Ҳавола :

Манба : The Athletic

Янгиликларни Телеграмда ўқинг!

Рейтинг: -5