Шота Арвеладзе: "Менга ЎФФдан таклиф бўлгани йўқ"

- Биринчи навбатда рақиб анча жиддий бўлганини таъкидлаб ўтмоқчиман. "Машъал" жамоаси ҳимояда анча тартибли ва жуда кам гол ўтказиб юбормоқда. Турнир жадвалида ҳам рақиб анча яхши поғонада кетмоқда. Айни пайтда тақвим биз учун жуда зич.

Биз биринчи голни киритганимизда ҳам ўйиндан ташқари ҳолат йўқ экан. Агарда ўша гол ҳисобланганда, таблода 3:0 порлаб турарди. Бу эса ўйин тақдирини ҳал этишимизни осонлаштирарди. Чунки ярим ишни бажариб бўлардик.

Биз ҳар доим яхши ўйнашга ҳаракат қиламиз. Янада кучайишни, янада кучлироқ ўйнаш йўлларини излаяпмиз. Бу йўлда бизга мухлислар ҳам ёрдам беришмоқда. Ўйлайманки, кейинги учрашувларда янада кўпроқ мухлислар ташриф буюришади.

Азим Аҳмедовнинг ўйини? Мен бир футболчига баҳо бермайман. Ростин Гриффитс нега ўйнамади? Чунки унда жароҳат бор.

Терма жамоа? ЎФФдан менга расман таклиф бўлгани йўқ.

Нега доим классик кийинаман? Чунки "Пахтакор"га мос равишда кийиниб юришни истайман.