Шавкат Саидов: "Андижон" олий лигада қолса хурсанд бўламан"
22 окт 2016 18:48
Янгиликлар

Шавкат Саидов: "Андижон" олий лигада қолса хурсанд бўламан"

"Андижон" - "Металлург" учрашувидан сўнг меҳмонлар жамоа бошлиғи Шавкат Саидов ўз фикрларини билдирди.

"Ўйин тенг курашлар остида кечди. Шу боис дуранг натижаси адолатли бўлди деб ўйлайман. Жамоамнинг ҳимоявий ўйинидан қониқдим, ҳужумдаги ҳаракатларидан қониқмадик. 28 октябрь кунги "Бунёдкор"га қарши баҳсга яхшироқ тайёргарлик кўрамиз.

"Андижон"да ортга йўл йўқ эди. Ўтган йил бу жамоа бизни мағлуб этганди. Рақибнинг стандарт вазиятларидан бироз қўрққандик. Аммо шукурки вазиятлар деярли бўлмади.

Бугун биз 2 очко йўқотдик. Кучли олтиликка киришда мавсум охирида бу йўқотилган 2 очко етмай қолиши мумкин.

"Андижон"нинг ўйинларини кўриб чиққандик. Давралар оралиғида ҳам айнан шу ҳисоб қайд этилган эди. Аммо ўшанда жамоа менга кўпроқ ёққанди. "Андижон"га омад тилайман, жамоа олий лигада қолса хурсанд бўламан", дейди Шавкат Саидов.

"Андижон" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +7