CAF президенти расман тасдиқлади: мусобақа иштирокчилари учун тўловлар 43 фоизга оширилган бўлиб, қитъа чемпионати ғолиби 10 миллион доллар олади.
Ҳатто гуруҳдан чиқа олмаган жамоалар ҳам салмоқли мукофот пулига эга бўлади. Гуруҳ босқичида тўртинчи ўрин учун 500 минг доллар, учинчи ўрин учун 700 минг доллар белгиланган. 1/8 финалга чиқиш 800 минг долларга баҳоланади, чорак финалга йўлланма эса 1,3 миллион доллар келтиради. Ярим финалчилар ҳар бири 2,5 миллион доллардан ишлаб олади, финалчига 4 миллион доллар берилади, мусобақа чемпиони эса максимал — 10 миллион долларга эга чиқади.
