Бруну Фернандеш тахминан 1 ойга сафдан чиқди — ОАВ
22 дек 17:36
Янгиликлар

Бруну Фернандеш тахминан 1 ойга сафдан чиқди — ОАВ

"Манчестер Юнайтед" ярим ҳимоячиси Бруну Фернандеш "Астон Вилла"га қарши Англия чемпионатининг 17-тур ўйинида олган жароҳати сабаб тахминан 1 ой майдонга тушолмайди.

Бу ҳақда "The Telegraph" хабар берди.

Якшанба куни Бирмингемда бўлиб ўтган учрашув "Юнайтед"нинг 1:2 ҳисобидаги мағлубияти билан якунланди, Фернандеш эса танаффусда алмаштирилди. Ўйиндан сўнг манкунианлар бош мураббийи Рубен Аморим 31 ёшли португалиялик футболчининг юмшоқ тўқималари шикастланганини маълум қилди. Нашр маълумотларига кўра, Фернандеш тахминан 1 ой майдонга туша олмайди.

Фернандеш жорий мавсум МЮ таркибида 18 ўйин ўтказиб, 5 та гол урди ҳамда 7 та голли узатма амалга оширди.

Аморим шогирдлари 26 очко билан Премьер-лига турнир жадвалида 7-ўринни эгаллаб турибди.

Ҳавола :

Манба : The Telegraph

Янгиликларни Телеграмда ўқинг!

Рейтинг: +1