Саудия Арабистони чемпионати ўйинларини "Setanta Sports"да томоша қилинг!

 11 август кунидан бошланадиган Саудия Про-лигаси учрашувлари илк бор Ўзбекистон ҳудудида расман олиб кўрсатилади. Клубларимиз Осиё Чемпионлар Лигасида Саудия Арабистони жамоалари билан тез-тез тўқнаш келади. Шунингдек, футбол юлдузларининг ташрифи сабабли жаҳоннинг кўплаб давлатларида ушбу лигага бўлган қизиқиш сезиларли даражада ортди. 2030 йилгача Саудия Арабистони ҳукумати режасига кўра, трансферлар учун 20 миллиард АҚШ долларидан ортиқ маблағ сарфланиши кўзда тутилган. Айни пайтда Криштиану Роналду, Карим Бензема, Садио Мане, Марсело Брозович, Нголо Канте, Фабиньо, Малком, Сергей Милинкович-Савич, Калиду Кулибали, Риёд Маҳрез, Роберто Фирмино, Эвер Банега, Эдуард Менди сингари футбол юлдузлари ўйинларини setantasports.com онлайн пуллик платформасида томоша қилиш имкониятига эга бўласиз. Ҳамюртимиз Жалолиддин Машарипов ҳам ҳозирча ушбу чемпионатда фаолиятини давом эттирмоқда. Ҳар тур доирасида “Ал Насср” иштирокидаги учрашув ва яна икки бошқа беллашув тақдим этилади.

“Setanta Sports”да Саудия Арабистони Про-лигасидаги юлдузларга бой ўйинларга яқинроқ бўлинг!

“SETANTA SPORTS” “УЗТЕЛЕКОМ” ТВ ПЛАТФОРМАСИГА ҚЎШИЛДИ

“Узтелеком” ўзбек миллий оператори пуллик ТВ хизматлари кўрсатадиган “TelecomTV” платформасига “Setanta Sports” телеканалини қўшганини эълон қилди. Январь ойида “Узтелеком” икки пуллик платформа – “TelecomTV” ва “MediaBox”ни ишга туширганди. Ушбу хизматлардан турли қурилмалар ёрдамида бир вақтда фойдаланиш имконияти мавжуд. Хизмат қўшимча тармоқ ва уяли алоқа хизматлари орқали тақдим этилади. Эндиликда “TelecomTV”да “Setanta Sports”ни томоша қилишингиз мумкин.