Тергов маълумотларига кўра, машҳур футболчини зўравонлик билан ўғирлашга уринишган. Улар ўз назорати остида бўлмаган ҳолатлар туфайли режаларини амалга ошира олмаган.
Манбанинг хабар беришича, босқинчилар "Зенит" ярим ҳимоячиси Андрей Мостовойни машинага судраб киришга уринганларида футболчининг дўсти воқеага аралашган ва ўғрилар қочиб кетган.
Футболчини ўғирлашга уриниш муваффақиятсиз тугаганидан икки кун ўтгач, ўша одамлар Крестовский оролидаги дўкон яқинида яна бир одамни, бизнесменни ўғирлаб кетишган. Улар уни 210 000 рубль ўтказишга мажбурлаган, шунингдек, 10 миллион рубль талаб қилган.
Ўғирланган одамни озод қилиш пайтида 4 киши ҳибсга олинган. Россия Тергов қўмитаси матбуот хизматининг хабар беришича, одам ўғирлаш, одам ўғирлашга уриниш ва талончилик моддалари бўйича жиноий иш қўзғатилган.
