Португалия терма жамоасининг 41 ёшли ҳужумчиси Криштиану Роналду ЖЧ-2026 доирасидаги Ўзбекистонга қарши кечаётган баҳснинг (2:0, биринчи бўлим) 6-дақиқасида гол муаллифига айланди.
Шу тариқа, португалиялик футболчи жаҳон чемпионатлари тарихида 40 ёшдан ўтгач гол урган иккинчи ўйинчи бўлди.
Турнир тарихидаги энг кекса гол муаллифи камерунлик Роже Милла ҳисобланади. У 1994 йилги мундиалда 42 ёшу 39 кунлигида Россия терма жамоаси дарвозасини ишғол қилган эди.
