Алгоритм маълумотларига кўра, жамоанинг плей-офф босқичига чиқиш эҳтимоли 62,2% ни ташкил этади.
Жорий мундиалнинг гуруҳ босқичида Кабо-Верде иккита дуранг қайд этди – Испания (0:0) ва Уругвай (2:2) билан. 3-турда ушбу жамоа Саудия Арабистони билан тўқнаш келади. Opta фикрига кўра, Кабо-Верденинг гуруҳда биринчи ўринни эгаллаш имконияти унчалик юқори эмас – 2,5%. Жамоа учун "G" квартетида энг мақбул вариант иккинчи ўрин (49,3%) ҳисобланади, учинчи ўрин варианти ҳам реал (21,5%), гуруҳдан чиқа олмаслик эҳтимоли эса 26,7% га тенг.
Турнирнинг гуруҳ босқичи 11 июндан 27 июнгача давом этади. Ҳар бир жамоа ўз гуруҳидаги рақиблари билан биттадан ўйин ўтказади. Плей-оффга ҳар бир гуруҳдан энг яхши натижа қайд этган иккита терма жамоа, шунингдек, учинчи ўринни эгаллаган саккизта жамоа йўл олади.
