— Португалия атрофида Роналду ва ёш футболчилар ўртасидаги келишмовчилик ҳақида гап-сўзлар кўп. Бу натижага таъсир қилиши мумкинми?
— Конго ДР билан ўйинни томоша қилишнинг имкони бўлмади, фақат умумий таассуротлар ва бошқа одамларнинг фикрларига таяниб гапира оламан. Умуман олганда, чемпионат бошланишидан олдин ҳам Криштиану Португалия терма жамоаси учун кўпроқ муаммо эканлиги ҳақида тушунча бор эди. Таркибдаги номларга қарайдиган бўлсак, у ерда жамоа французлар ва испанларникидан қолишмайди. Бироқ Роналдунинг роли шунчалик каттаки, марказий ҳужумчи позициясидаги фойдали иш коэффициенти жуда паст. Бу ҳолат ўйинга ва натижага таъсир қилиши мумкинлиги ҳақида ички сезги бор эди. Конго ДР билан ўйинда бу яққол кўринди.
Лекин ҳамма нарса ўзгариши мумкин — бу мураббийга ва Роналдунинг ўзига боғлиқ. Балки у, афсуски, энди бошқа футболчилардан кўра кўпроқ фойда келтира олмайдиган ёшда эканини тушуниб етиши керакдир. Уларнинг таркибида Бруну Фернандеш, Витинья, Невеш — булар сўнгги бир неча йил ичида ҳамма нарсани ютиб бўлган инсонлардир. Айнан улар етакчиликни қўлга олишлари керак, — дея Аршавиннинг сўзларидан иқтибос келтирмоқда "Спорт-экспресс".
