Бу ҳақда Х ижтимоий тармоғида журналист ва инсайдер хабар берди.
Манба берган маълумотларга кўра, "Интер"дан нидерландиялик Дензел Дюмфрис ва "Тоттенхэм"нинг испаниялик ҳимоячиси Педро Порро "Реал" учун асосий номзодлар сифатида кўрилмоқда. Захира варианти сифатида эса Лиссабоннинг "Спортинг" клуби латерали, яна бир испаниялик Иван Фреснеда қайд этилган бўлиб, унинг ўйинини кузатиш учун скаутлар юборилган.
Карвахаль Мадриднинг "Реал" клуби тарбияланувчиси ҳисобланади. "Қироллик клуби"нинг амалдаги сардори 2013 йилнинг ёзидан буён узлуксиз равишда асосий жамоада тўп суриб келаётган эди. Май ойида футболчи жамоадан кетишини эълон қилди. Якунланган мавсумда у барча турнирларда 22 та ўйинда майдонга тушди. Умумий ҳисобда у "Реал" либосида 451 та учрашув ўтказиб, 14 та гол ва 66 та голли узатмага муаллифлик қилган.
