Жаҳон чемпионатининг 1/8 финалида Аргентина Мисрни 3:2 ҳисобида мағлуб этди, 79-дақиқага қадар 0:2 ҳисобида ютқазаётганди. Месси гол урди ва Кристиан Ромерога голли узатма берди.
"Бу жаҳон чемпионатида Роналду ва Месси ўртасидаги контраст энг кўп Мисрга қарши ўйинда сезилди. Аргентина 0:2 ҳисобида ютқазаётганида, Месси ўйинни тўлиқ ўз назоратига олди. У тўпни талаб қилди, қўлидан келган барча нарсани яратди, у руҳий кўтаринкиликда эди ва нима учун айнан у тарихдаги энг буюк футболчи эканини кўрсатди.
Мени 75 ёки 80-дақиқалардан сўнг у шунчаки ўйинга қўшилгани ва: "Хўш, энди Мессининг вақти келди", деб қарор қилгани ҳайратда қолдирди. Унинг қилаётган ишлари шунчаки ақлбовар қилмас.
Одамлар уни пиёда юргани, бўлаётган воқеаларни кузатгани ва пенальтини голга айлантира олмагани учун танқид қилишлари мумкин, лекин у жамоага энг керак бўлган пайтда ўзини кўрсатди", – деди Риисе BestBettingSites нашрига берган интервьюсида.
