Рейндерс: "Мен ЖЧ-2022ни диванда томоша қилганман. Бу сафар бутунлай бошқача бўлиши аниқ"
18 ноя 2025 19:13
Янгиликлар

Рейндерс: "Мен ЖЧ-2022ни диванда томоша қилганман. Бу сафар бутунлай бошқача бўлиши аниқ"

Нидерландия терма жамоаси ярим ҳимоячиси Тижани Рейндерс Литва устидан қозонилган 4:0 ҳисобидаги ғалаба ва ЖЧ-2026 финал босқичи йўлланмаси ҳақида фикр билдирди.

"Менимча, биз биринчи бўлимда яхши ўйнадик. Иккинчи бўлимда сал ҳушёрликни йўқотдик, лекин асосий мақсад жамоа учун яхши натижага эришиш ва Жаҳон чемпионатига йўлланма олиш эди, биз бунга эришдик. Мен ЖЧ-2022ни уйда, диванда терма либосини кийган ҳолда томоша қилардим. Бу сафар мен учун бутунлай бошқача бўлади. Бошланишини бироз кутишимиз керак бўлади, лекин мен бу турнирда биринчи марта ўйнашни интиқлик билан кутяпман", – деди 27 ёшли футболчи.

Нидерландия терма жамоаси 8 ўйинда 20 очко тўплади ҳамда "G" гуруҳи жадвалида биринчи ўринни эгаллаб, турнирнинг финал босқичига йўлланма олди.

Ҳавола :

Манба : NOS

Янгиликларни Телеграмда ўқинг!

Рейтинг: +5