"Реал" ва "Ман Сити" 4-бор ЕЧЛ плей-оффида тўқнаш келади
31 янв 17:31
Янгиликлар

"Реал" ва "Ман Сити" 4-бор ЕЧЛ плей-оффида тўқнаш келади

Охирги 6 йилда эса 5 бор ушбу жамоалар ўзаро куч синашади.

Ҳозирча ҳисоб – 2:2

"Реал" ва "Манчестер Сити" Чемпионлар Лигаси плей-офф босқичида рўбаро келадиган бўлди.

Бу сафар жамоалар 1/8 финал йўлланмаси учун беллашади. Ғолиб номи икки ўйин натижасига кўра аниқланади.

Клублар қаторасига 4-бор Чемпионлар Лигаси плей-офф босқичида ва охирги 6 мавсумда 5-бор бир-бирига дуч келади.

2020 йил "Манчестер Сити" "Реал"ни икки ўйин натижасига кўра (4:2) ЕЧЛ 1/8 финалида мағлуб этганди.

2022 йил ушбу клублар ярим финалда беллашган ва "Реал" "Манчестер Сити"ни таслим қилган (икки ўйин натижасига кўра 6:5).

Кейинги йил, 2023 йилда жамоалар яна финал йўлланмаси учун курашишига тўғри келди – омад "Манчестер Сити"га кулиб боқди (5:1).

2024 йилда эса "Реал" "Манчестер Сити"ни чорак финалда пенальтилар сериясида енгди (3:3 – биринчи ўйин, 1:1 – иккинчи баҳс, пенальтилар сериясида 5:4).

Қизиқ, бу сафар натижа қандай бўларкин?