"2000 йилдан бери Класикода "Барселона"нинг 12 нафар ўйинчиси четлатилган бўлса, бизда — 23 нафар, деярли икки баравар кўп. Бу аномалия, айниқса, кўплаб вазиятларни қайта кўриб чиққанда бу яққол сезилади. Бускетс, Гави, де Йонг қизил карточка олишмаган, ваҳоланки, улар бунга лойиқ эди.
"Барселона"нинг тўртта голи бекор қилинган, "Реал"да эса — 20 та. Бизнинг голларимиз ноҳақ бекор қилинди, уларникини эса ноҳақ ҳисобга олишди. Бу — можаро. Уларнинг офсайддан ва қоида бузилишларидан сўнг киритган тўпларини инобатга олишган.
Биз томон кўплаб пенальтилар белгиланмади. Рақиб фойдасига эса ҳатто симуляциялар учун ҳам ҳуштак чалишади. Класикодаги ҳакамлик аномалиялари доимо бир томонга қаратилган. Бизнинг видеоларни томоша қилиш "Реал" мухлисларининг соғлиғи учун зарарли — шунчалик кўп адолатсизлик бор.
Айнан улар [ҳакамларга] пул тўлашган. "Барселона" ўйинчиларининг ҳакамлар билан мулоқоти ҳақидаги видеоларни [қизиқчи] Хосе Мота суратга олиши мумкин эди", — дейилади Real Madrid TV эфирида.
