Клубнинг асосий мақсади — "Бавария" ўнг қанот ҳужумчиси Майкл Олисе. "Реал" президенти Флорентино Перес франциялик футболчи учун 200 миллион евродан ортиқ маблағ таклиф қилишни режалаштирмоқда. Трансфер суммаси тахминан 220 миллион еврони ташкил этиши мумкин.
Шунингдек, мадридликларнинг "Челси" ярим ҳимоячиси Энцо Фернандесга бўлган қизиқиши давом этмоқда. Аввалроқ аргентиналик футболчининг трансфери қарийб 140 миллион еврога тушиши ҳақида хабарлар тарқалган эди.
"Реал" ушбу икки трансфер учун жами 360 миллион евро ажратиши учун жамоанинг етакчи футболчиларидан бирини сотишига тўғри келиши мумкин. Манбаларга кўра, 2026/27 йилги мавсумда жамоада Федерико Вальверде, Орельен Чуамени ёки ҳар иккиси ҳам қолмаслиги эҳтимоли бор.
