Қизиқарли фактлар. "Пахтакор" Суперкубокда энг кўп мағлуб бўлган жамоа. "Насаф" "Локомотив"га етиб олди
25 авг 2023 00:06
Янгиликлар

Қизиқарли фактлар. "Пахтакор" Суперкубокда энг кўп мағлуб бўлган жамоа. "Насаф" "Локомотив"га етиб олди

Бир неча соат олдин 2023 йилги Ўзбекистон Суперкубоги учрашуви ўз якунига етди.

Қизиқарли кечган ўйинда "Насаф" амалдаги Суперкубок ғолиби "Пахтакор"ни таслим қилди. Қуйида эса бир қатор қизиқарли факт ва маълумотларни эътиборингизга ҳавола қиламиз.

1. Суперкубок баҳсларида шу пайтга қадар 6 жамоа иштирок этган: "Пахтакор" (5), "Локомотив" (3), "Насаф" (4), "Навбаҳор, "Бунёдкор" ва АГМК.

2. Ўзбекистон Суперкубогини энг кўп қўлга киритган жамоа "Локомотив" (2 марта), "Насаф" бугунги ғалаба орқали музейига 2 Суперкубокни олиб келди. Қаршиликларнинг илк муваффақияти ҳам айнан "Пахтакор" билан ўйинда бўлган (2016). "Пахтакор" Суперкубокда энг кўп енгилган жамоа бўлиб турибди (4 марта, 1999, 2015, 2016, 2023).

3. Жиззах Ўзбекистон Суперкубокни қабул қилган Ўзбекистондаги 5 вилоят бўлди. Бунга қадар Фарғона 1 маротаба, Тошкент 4 маротаба, Самарқанд ва Яйпан 1 маротабан мезбонлик қилшган.

4. Рўзиқул Бердиев "Насаф" тарихида жамоа билан 4та Суперкубокда иштирок этган ягона мураббий бўлди.

5. "Насаф" учун Жиззах омадли стадион бўлиб қолмоқда. Рўзиқул Бердиев жамоаси 2015 йил худди шу аренада Ўзбекистон кубоги финалида "Бунёдкор"ни 2:1 ҳисобида мағлубиятга учратган эди. Орадан 8 йил ўтди ва энди бу натижа "Пахтакор" билан Суперкубокда такрорланди.

6. Пшемислав Банашак, Ойбек Бозоров, Марко Станоевич Ўзбекистон Суперкубогида гол урган 14,15,16-футболчига айланишди.

7. Шуҳрат Муҳаммадиев "Насаф" билан иккинчи маротаба Суперкубокда ғолиб чиқди. 2016 йилги ғолиб чиққан таркибдан ҳозир фақат Муҳаммадиев жамоада, холос.

8. Азиз Асимов Ўзбекистон Суперкубогида ишлаган мамлакат тарихидаги 6 ҳакам бўлди. Бунгача Ғайрат Каримов (1999), Равшан Эрматов (2014, 2015, 2016) Шерзод Қосимов (2019), Вадим Агишев (2021), Акобирхўжа Шукуруллаев (2022) фаолият олиб борган.