Инсайдер Бен Жейкобснинг Х ижтимоий тармоғида хабар беришича, "Манчестер Юнайтед" ва "Арсенал" клублари ҳам ушбу футболчини сотиб олиш имкониятини кўриб чиқмоқда.
Манбанинг сўзларига кўра, "Вест Хэм" 21 ёшли португалиялик футболчини 2025 йилнинг август ойида "Саутгемптон"га тўланган 44 миллион евро + 4,5 миллион евро миқдоридаги маблағдан икки баробар қимматроқ баҳоламоқда. Маълум қилинишича, Фернандешнинг шартномасида жамоа АПЛдан чиқиб кетган тақдирда сотиб олиш мажбурияти ҳақида банд йўқ, бироқ унинг сотиб юборилиши кутилмоқда.
Журналистнинг маълумотларига кўра, "Вест Хэм" унинг трансферидан 116 миллион евродан кўпроқ маблағ ишлаб олмоқчи. Якунланган мавсумда Фернандеш барча турнирларда 42 та ўйинда майдонга тушиб, 5 та гол урди ва 5 та голли узатмани амалга оширди.
