Эслатиб ўтамиз, Криштиану Роналду бош мураббий Жорже Жезуш уни 27 сентябрь куни бўлиб ўтган Норвегияга қарши ўйинда майдонга туширмасликка қарор қилганидан сўнг Португалия терма жамоасини тарк этган эди. 41 ёшли ҳужумчи миллий жамоада бошқа ўйнамасликка қарор қилгани хабар қилинганди.
— Бир неча кун давомида португалияликлар кучли ҳис-туйғуларни бошдан кечиришди, аммо кейин ўзларини қўлга олишди ва Данияда ҳамда бугун [Норвегияга қарши ўйинда] ғалаба қозониши керак бўлган терма жамоа атрофида миллий жипсликни намойиш этишди.
Энг муҳим нарса устувор вазифага айланди: терма жамоани жипслаштириш, Португалия йўлида ҳаммани бирлаштириш. Бу Криштиануга ҳам, Жезушга ҳам, Футбол федерациясига ҳам ва бутун португалия халқига ҳам тегишли. Тўртта синов – тўртта ғалаба. Уйда эса ички муаммоларни хотиржам ва оқилона ҳал қилиш керак, — деди Марселу Ребелу де Соуза RTP эфирида.
