"Манчестер Юнайтед" Буюк Британиянинг мобил ва электрон тўловларни қабул қилиш бўйича хизмат кўрсатувчи SumUp финтех-компанияси билан ҳамкорлик бошланганини эълон қилди.
Компания манкунианликлар клубининг расмий ҳамкорига айланди. SumUp логотипи барча мусобақаларда эркаклар, аёллар ва ёшлар жамоалари либосининг енгида жойлаштирилади.
BBC хабарига кўра, шартнома "кўп миллионлик" қийматга эга.
Аввалроқ либос енгида DXC Technology логотипи жойлашган эди. Ёзда клуб ва компания ўртасидаги тўрт йиллик шартнома ўз ниҳоясига етди.
