“G” гуруҳи
Мазкур гуруҳда ёдда қоларли жиҳат илк турда - дуранглар бўлди. Аввалига Бельгия терма жамоаси Мисрдан ҳисобда ортда бора туриб, якунда муросага келган бўлса, Мексикадан АҚШга қатнаб ўйнаётган Эрон Янги Зеландия билан жанговар дуранг ўйнади.
Гуруҳ аутсайдерлари ва фаворитлари дея қаралган жамоалар ўзаро ўйинларни ўтказишди ва ҳозирча ҳеч нима аниқ эмас. Сўнгги икки тур “ёниши” аниқ. Кўп эҳтимол, ушбу гуруҳдаги 3-ўрин соҳиби 1/16 финалга йўл олса керак.
Биринчи ўйинлардан сўнг гуруҳда вазият қуйидагича:
“H” гуруҳи
Дуранглар гуруҳи давом этади. Ўтган икки баҳсда кутилмаган натижалар қайд этилди десак муболаға бўлмайди. Аввал Европа чемпиони Испания Кабо-Верде билан дуранг ўйнаб қўйган бўлса, кейин Уругвай Саудия билан муроса кўчасини танлади.
Қизиғи шундаки, икки фаворит ва икки аутсайдер жамоалар тўқнашувида сенсацион натижалар қайд этилгани бу мундиалда ҳеч ким “совға” эмаслигидан далолат. Юқорида айтилгани каби, бу гуруҳда ҳам ҳали ҳеч нима аниқ эмас.
Биринчи ўйинлардан сўнг гуруҳда вазият қуйидагича:
“I” гуруҳи
Ҳоланд ва Мбаппе, аллақачон, жангга киришиб улгурди. Буёғига уларнинг баҳси янада қизийди, терма жамоалари эса рақибларини алмашиб олишади.
Французлар ўйинда яхши таассурот қолдирган Сенегални мағлуб эта билди. Норвегия эса Ироқни “кўрдим демади”. Қанчалик ёқимсиз бўлса-да таъкидлаш лозим, бу гуруҳдан ким плей-оффга чиқиши-ю, ким қолиб кетиши ҳозирдан маълум.
Биринчи ўйинлардан сўнг гуруҳда вазият қуйидагича:
“J” гуруҳи
Месси тепада номи келтирилган футболчиларга мастер-класс ўтаган ўйинда Аргентина Жазоирни мағлуб этди. Амалдаги Жаҳон чемпионлари, шубҳасиз, гуруҳ фаворити ва улар кўп эҳтимол пешқадам бўлади гуруҳда.
Австрия эса Иордания билан яхши ўйин ўтказди. Эътиборли томони шундаки, осиёликлар очко олишга яқин эди, аммо хатолар жамоага қимматга тушди. Австрия эса ҳали кўпчилик учун “бош оғриқ” бўлиши турган гап.
Биринчи ўйинлардан сўнг гуруҳда вазият қуйидагича:
“K” гуруҳи
Бир неча дақиқа аввал якунланган ўйинда Ўзбекистон МТЖ Колумбияга мағлуб бўлди. Бу орқали жанубий америкаликлар гуруҳда пешқадам бўлди.
Турнирдаги яна бир кутилмаган натижа ҳам айни шу гуруҳда содир бўлди. Унда Португалия Конгони енга олмади. Дастлабки дақиқаларда гол уриб, фаол бўлган бўлса-да, Роналду бошчилигидаги терма жамоада кейинчалик ҳеч нима ўхшамади.
Конго эса кутилганидек эмас, балки жисмонан анча кучли терма жамоа бўлиб чиқди. Ҳали бу терма жамоа Колумбияга ҳам, Ўзбекистонга ҳам жиддий қаршилик кўрсатади.
Биринчи ўйинлардан сўнг гуруҳда вазият қуйидагича:
“L” гуруҳи
Таъкидлаш лозимки, ЖЧнинг ҳозиргача энг ёрқин учрашуви айни шу гуруҳда бўлди. Англия - Хорватия баҳсида 6 та тўп киритилди. Ўйин темпи ҳам, ҳарорати ҳам юқори бўлди.
Гана эса сўнгги дақиқаларда гол уриб, Панамани мағлуб этди. Эҳтимол, панамаликлар дурангни сақлаб қолишганда 3-ўрин учун кураш қизиқроқ бўлармиди.
Биринчи ўйинлардан сўнг гуруҳда вазият қуйидагича:
ЖЧ-2026'ни Allplay'да томоша қилинг — CHAMPIONATASIA промокоди билан 45 кун бепул
Промокодни фаоллаштириш ҲАВОЛАСИ
