Мората: "Атлетико" бу таркиби билан барча мусобақалардаги ғалабага даъвогарлик қилиши мумкин"
08 июл 2022 10:38
Янгиликлар
Мората: "Атлетико" бу таркиби билан барча мусобақалардаги ғалабага даъвогарлик қилиши мумкин"
Испания терма жамоаси ҳужумчиси Альваро Мората Мадриднинг "Атлетико" клуби ҳужум чизиғида юқори рақобат борлигини айтди, аммо футболчи яхши мавсум ўтказиш учун ғайратга тўла.
Мората июнда икки йиллик ижарадан сўнг "Ювентус"ни тарк этди. 29 ёшли форварднинг "Атлетико" билан шартномаси 2024 йилнинг ёзига қадар мўлжалланган.
"Жуда ҳам ғайратга тўламан ва машғулотлар бошланишини сабрсизлик билан кутмоқдаман. Бу ажойиб йил бўлишига ишончим комил. "Атлетико" ҳужум чизиғида катта рақобат бор, жамоада ажойиб ўйинчилар кўп ва ўйлайманки, бу клуб учун жуда яхши.
Бу таркиб барча мусобақалардаги ғалабага даъвогарлик қилиши мумкин. "Атлетико" икки мавсум олдин Испаниядек қийин чемпионатни ютди. Яхши жисмоний ҳолатда бўлиш ва барчасига курашиш учун мавсумолди тайёргарлигида қаттиқ ишлашимиз керак", — дейди Мората.
Мората "Атлетико"га 2019 йилда ўтган. Ҳужумчи жамоа либосида 61та ўйинда майдонга тушиб, 22та гол уришга эришди.
Ўхшаш янгиликлар
championat.asia
Англия кубоги. "Манчестер Сити" финалда "Кристал Пэлас"га мағлуб бўлиб, жорий мавсумда соврин ютиш имкониятини қўлдан чиқарди
Суперлига. Пенальти қайта тепилган, гол ҳисобланмаган ва қизил карточка бекор қилинган ўйинда "Навбаҳор" "Бунёдкор"ни мағлуб этди
Суперлига. "Шўртан" мавсумдаги илк ғалабасини бир киши кам бўлиб қолган "Андижон" устидан қўлга киритди
Суперлига. "Пахтакор" Навоийдан йирик ҳисобдаги ғалаба билан қайтмоқда
Фикрлар