Маурисио Почеттино: "Мухлислар истаганини қилиши мумкин, биз тўғри йўлдамиз"

"Пул сарфларкансиз, сизда мақсад пайдо бўлади. Ғалаба қозона олмасангиз мухлислар ранжиши ва танқид қилиши нормал ҳолат. Бироқ мен ишқибозларга айтишим мумкинки, улар билмайдиган ва биз ўзгартира олмайдиган ҳолатлар мавжуд. Ўтган ишни ўзгартира олмаймиз. Таркибимизда жароҳатланганлар жуда кўп. Ҳамма сафга қайтса, бизда ажойиб таркиб юзага келади. Тўлиқ таркиб билан катта натижаларга даъвогарлик қила оламиз.

Биз мавсум стартидан барча ўйинчилар хизматидан фойдалана олмаймиз. Айтингчи, бундай вазиятда нима қила оламиз?

Мухлислар истаганини қилиши мумкин. Биз эса қандай ҳаракат қилишимиз кераклигини биламиз. Ишончимиз кучли, аммо бугунги кунда бизнинг 12 футболчимиз лазаретда. Захира ўриндиғида 3-4 нафар ёш футболчи ўтирибди. Йиғлашим керакми? Шунчаки чорловни қабул қилиб, муаммони ҳал қилиш йўлини топишим зарур".