Мата "Барселона"га қарши баҳслар ҳақида: "Тоғлар уларни забт этиш учун яратилган"
08 апр 2019 18:49
Янгиликлар

Мата "Барселона"га қарши баҳслар ҳақида: "Тоғлар уларни забт этиш учун яратилган"

"Манчестер Юнайтед" ярим ҳимоячиси Хуан Мата "Барселона"га қарши бўлиб ўтадиган Чемпионлар лигасининг 1/4 финал ўйинлари ҳақида фикр билдирди.

"Ўзимни яхши ҳис қиляпман, жароҳатимдан тўлиқ қутилдим. Мавсумни жамоа билан яхши якунлашни истайман.

Фаолиятим давомида "Барселона"га қарши кўп майдонга тушганман, турли турнирларда муваффақиятларга эришганман... Бироқ 2012 йилдаги Чемпионлар лигаси ярим финалини ("Челси" сафида) унутиб бўлмайди.

"Барселона" дарвозасига гол урганман ва бундай йирик клубга қарши ҳар қандай баҳс ўзгача ўтишини яхши биламан.

Каталония клуби ажойиб жамоа, аммо ғалаба қозониб, ярим финалга чиқиш учун қўлимиздан келган ишни қиламиз. Мураббийимиз айтганидек, бу баҳсни тоққа қиёслаш мумкин - аммо тоғлар, уларни забт этиш учун яратилган" - дейди Мата.

Ҳавола :

Манба : manutd.com

Янгиликларни Телеграмда ўқинг!

Рейтинг: +6