Аргентина терма жамоаси ярим ҳимоячиси Франко Мастантуоно Буркина-Фасо терма жамоаси устидан қозонилган йирик (7:0) ғалабадан сўнг жамоатчилик томонидан бўлаётган босим ҳақида фикр билдирди. Ушбу учрашувда футболчи миллий жамоа сафидаги ўзининг дебют голини уришга муваффақ бўлди.
— Одамлар мендан жуда кўп нарса талаб қилишади. Мен буни тушунаман, мендан нима кутишаётганини англаб турибман. Кўпинча улар менга нисбатан талабчан бўлишади, лекин мен бундан завқ олишга ҳаракат қиламан. Танқидлардан нолимайман. Мен футболчиман ва буни жуда яхши тушунаман. Лекин одамлар менга боғлиқ бўлмаган нарсалар ҳақида гапиришади. Мен шунчаки ўз ишимни қиламан ва уни ҳамиша яхши бажаришга ҳаракат қиламан, — деди аргентиналик футболчи TyC Sports нашрига.
