Маълумотларга кўра, клуб раҳбарияти чемпионатнинг сўнгги икки тури олдидан жамоада ички муҳитни жипслаштириш мақсадида базада тўрт кунлик йиғин ташкил қилган эди. Бироқ йиғиннинг сўнгги кунида кутилмаган воқеа юз берди: бир нечта футболчилар ўзбошимчалик билан "базм" уюштиришган.
"Қаҳрамонлар" хоналардаги каравотларни ағдар-тўнтар қилиб, хоналарни хароб аҳволга келтиришган. Бу ҳам етмаганидек, клуб раҳбарларининг хонасида ўт ўчиргичдан (огнетушитель) фойдаланиб, атрофни кўпикка тўлдиришган.
Ушбу ҳолат клуб ходимларини шок ҳолатига тушириб қўйган. Ҳозирча раҳбарият томонидан футболчиларга нисбатан қандай чора кўрилиши маълум қилинмаган.
Эслатиб ўтамиз, "Марсель" Франция чемпионатининг 32 туридан сўнг 53 очко билан 7-ўринда бормоқда. Жамоа навбатдаги учрашувини эртага, 10 май куни сафарда "Гавр"га қарши ўтказади.
