Мареска "шаҳарликлар" билан 2029 йилнинг ёзига қадар мўлжалланган шартномани имзолади. Бунга қадар у "Ман Сити"да ёшлар жамоаси бош мураббийи (2020-2021) ва асосий жамоа бош мураббийи ёрдамчиси (2022-2023) сифатида фаолият юритган эди.
"Манчестер Сити" — мен жуда яхши биладиган клуб. Ушбу жамоани бошқариш имкониятига эга бўлиш мен учун ажойиб имкониятдир.
"Сити" — ҳайратланарли даражада яхши ташкил этилган футбол клуби. Улар қилаётган ҳар бир иш инновацион, пухта ўйланган ва аниқ мақсадга йўналтирилгандир. Мураббий учун бу идеал вазият. Бу менинг ишимни самарали бажаришим учун зарур бўлган барқарорликни таъминлайди. Бу менинг клубга учинчи бор қайтишим бўлади. Мен ушбу клубни, ундаги талаблар ва кутишларни яхши биламан. Бу ерда ишлаётган одамлар меҳнатининг сифати — мана шу клубни ўзига хос қилиб туради ва мен уларга менинг қобилиятимга ишонганлари учун миннатдорчилик билдирмоқчиман. Футболчиларни машқ қилдиришни бошлашга сабрсизлик билан интиляпман. Мен биз ғалаба қозонишимизни, яхши футбол ўйнашимизни ва "Манчестер Сити" шарафини ҳимоя қилишдаги босимдан завқланишимизни истайман", — дея Маресканинг сўзларидан иқтибос келтиради "шаҳарликлар" матбуот хизмати.
