Марат Омаров Қозоғистон футбол федерацияси президенти этиб сайланди
20 дек 14:45
Янгиликлар

Марат Омаров Қозоғистон футбол федерацияси президенти этиб сайланди

Пойтахтда ҚФФнинг навбатдан ташқари XXVII сайлов конференцияси ўтказилди ва унда Марат Омаров президент бўлди.

Унинг номзоди Остона футбол федерацияси томонидан илгари сурилганди.

Бу лавозимга Омаровдан ташқари футбол функционери Алтай Даумов ва спорт журналисти Ербол Каиров ҳам ариза топширган. Яна уч номзод сайлов олдидан ўз аризасини қайтариб олганди.

Овоз бериш натижаларига кўра, Марат Омаров 34 та, Алтой Даумов 2 та овоз олган бўлса, Ербол Каиров бирорта ҳам овоз олмади.

Омаров турли ташкилотларда раҳбарлик лавозимларида катта тажрибага эга. 2022 йил август ойида у Қозоғистон Республикаси Рақобатни ҳимоя қилиш ва ривожлантириш агентлиги раиси этиб тайинланганди.

У ҚФФ раҳбари сифатида шу йилнинг ноябрь ойида ташкилотни тарк этган Адлет Барменкуловнинг ўрнини эгаллади.

Ҳавола :

Манба : sports24.kz

Янгиликларни Телеграмда ўқинг!

Рейтинг: +2