Англия ёшлар терма жамоаси аъзоси бўлган ушбу ёш ўйинчи "Тоттенхэм Хотспур" клубидан кўчиб ўтди. Ўтган мавсумда у 18 ва 21 ёшгача бўлган жамоалар таркибида 13 та гол урди ва олтита голли узатмани амалга оширди. Шу жумладан, УЕФА Ёшлар лигасидаги еттита ўйинда 7 та гол уришга муваффақ бўлди. Бундай ажойиб ўйинлари туфайли футболчи "шпорлар"нинг асосий жамоаси машғулотларига ҳам жалб этила бошланган эди.
"Standard" журналисти Сэм Табютонинг маълумотларига кўра, келишувнинг умумий суммаси 8 миллион фунтни (9,4 миллион евро) ташкил этади: 4 миллион фунт (4,7 миллион евро) даставвал тўланади, қолган 4 миллион фунт (4,7 миллион евро) эса турли бонуслар кўринишида берилади. Шунингдек, футболчи кейинчалик бошқа клубга сотилса, трансфер суммасининг 20 фоизи "Тоттенхэм"га тегади.
Якунланган мавсум натижаларига кўра, "Манчестер Юнайтед" Англия Премьер-лигаси турнир жадвалида 38 та ўйиндан 71 очко жамғариб, учинчи ўринни банд этган эди.
