"Sky Sports"нинг маълум қилишича, "Сити" раҳбарияти бош мураббийини матбуотнинг ноқулай саволларидан ҳимоя қилиш учун кескин чоралар кўрди.
Клуб журналистларга "Борнмут"га қарши бўлажак ўйин олдидан матбуот анжуманида Гвардиолага унинг келажаги бўйича савол беришни тақиқлади.
Инглиз клуби испаниялик мураббий бир йил таътил олиб, клубдаги футбол фаолиятини якунлашни режалаштираётгани ҳақидаги хабарни ичкаридагилар тарқатиб юборганидан сўнг ОАВни тинчлантириш учун қўлидан келган барча ишни қилмоқда.
Гвардиола мавсум охирида "Манчестер Сити"ни тарк этиши кутилмоқда, аммо клуб ҳали бунга изоҳ бермади.
Аввалроқ испаниялик мураббийнинг кетиши ҳақидаги расмий тасдиқ якшанба куни Англия Премьер-лигасининг 38-тури доирасида "Астон Вилла" билан бўлиб ўтадиган ўйиндан кейинга (24 май) режалаштирилгани ҳақида маълумотлар тарқалган эди.
