Максим Шацких: "Энг муҳими гол ўтказмаслик ва нолга ўйнаш. Реализация эса кун келиб яхшиланади"

"Жамоам намойиш этгандан ўйиндан кўнглим тўлди, очиғи. Биз режа қилган барча ишларимизни бажардик ва чидаб бердик. Ўйин сифати ҳам менга ёқди. Йигитларга эндигина жамоа нима хоҳлаётганимизни ва қандай намойиш этишимиз кераклигини тушуниб етмоқда. Рақиб биздан анча кучлироқ эди. Шу сабабли бугунги бир очкомиз катта қийматга эга. Бизни қўллаб-қувватлаган мухлисларимиз эса ўйин сифати ва бугунги натижадан қониқдилар, менимча" - деди Максим Шацких баҳс якунлангач.

Эржан Токотаев:

"Анча қизиқарли ўйин бўлди. Икки жамоа ҳам гол уриш учун етарлича вазиятларга эга бўлди. Ғалаба қозона олмаганимиз ва гол ура олмаганимизга хурсанд эмасмиз. Учрашув курашларга бой бўлди. Натижа бизни қониқтирди, чунки биз бир очко қўлга киритдик. Бўлажак учрашувларда ғалаба қозониш учун янада кўпроқ ҳаракат қиламиз" - деди Эржан Токотаев бугунги учрашувдан сўнг.

- Бугун "Андижон" ғалаба қозониши учун нима етмади?

- Менимча, индивидуал маҳорат. Чунки вазиятларимиз бўлди, айниқса биринчи бўлимда. Ушбу вазиятлардан фойдалана олганимизда натижа бошқача бўларди. Бироз аниқроқ ўйнаганимизда гол урган бўлардик. Жамоа сифатида биз учун энг муҳими гол ўтказмаслик ва нолга ўйнаш. Ҳар бир ўйин олдидан йигитларга шуни таъкидлайман. Ҳужумда эса вазиятларимиз бўлади. Ҳар доим имкониятларимиз бўлмоқда. Реализация эса кун келиб яхшиланади. Бугун бўлмаса эртага, эртага бўлмаса индинга ўз вазиятларимиздан тўғри фойдалана бошлаймиз. Муҳими ҳимояда хатосиз ва тартибли ўйнаш.

- "Андижон" 75-80 дақиқадан сўнг ҳимояга ётиб олди. Бунга сабаб нима?

- Биз чарчаб қолгандик. Захирадан футболчини майдонда тушириб ўйин темпини кучайтира олмас эдик. Захира ўриндиғимиз унчалик катта эмас. Шу сабабли пастроқ туша бошладик, рақиб ҳам ҳужумга зўр бера бошлади. Биз эса тезкор қарши ҳужум орқали рақиб дарвозасига хавф солдик. Рақиб жамоа индивидуал ва жисмоний жиҳатдан биздан кучлироқ эди. Шунингдек, бундай ўйинларда захирадан майдонга тушиб, ўйинга қўшилиб кета олиш жуда қийин. Айниқса, ёш футболчилар учун.