"Скуадра Адзурра" сардори кетма-кет учинчи бор Жаҳон чемпионатига чиқа олмагани учун мухлислардан узр сўради.
"Кеча ўйиндан сўнг йиғладим. Италияни ўзи лойиқ бўлган даражага олиб чиқа олмаганимдан қаттиқ хафа бўлдим ва кўз ёшларимни тия олмадим. Мен сардори эканлигимдан фахрланадиган ушбу жамоа ва сиз азиз мухлислар билан биргаликда улкан маҳзунликни ҳис қиляпман.
Ҳозир сўзлар ҳеч нарсани англатмаслигини тушунаман, бу ҳақиқат. Лекин бир нарсани айтишим керак: бундай оғир мағлубиятдан сўнг яна янги саҳифа очиш учун ўзимизда куч топишимиз керак. Бунинг учун катта ирода, иштиёқ ва ишонч лозим. Ишонч — бизни олдинга бошлайдиган куч. Чунки ҳаёт ўз борлиғини аямайдиганларни мукофотлашни билади.
Биз яна бошидан бошлашимиз керак. Биргаликда. Италияни ўзи лойиқ бўлган юқори чўққиларга қайтариш учун ҳаракат қиламиз", — деб ёзади Доннарумма.
Эслатиб ўтамиз, Доннарумма пенальтилар сериясида бирорта ҳам зарбани қайтара олмади ва ўйин давомида рақиб дарвозабонининг эслатмалари ёзилган қоғозни йиртиб ташлагани билан ҳам диққат марказига тушган эди.
