Мерсисайдликларнинг расмий сайти хабар беришича, янги дизайн "Ливерпуль"нинг 1980-йиллар ўрталаридаги сафар тўпламларидан илҳомланган ҳолда яратилган.
Футболка оқ рангга эга бўлиб, у қизил қўшимчалар билан уйғун равишда тўлдирилган. Матода "Энфилд" стадионидаги ўйинларнинг эски чипталари элементларидан иборат ярим шаффоф нақш кўзга ташланади. Мазкур ўйин футболкиси қизил шорт ва оқ гетралар билан тўлдирилади.
Эслатиб ўтамиз, Англия Премьер-лигасининг ўтган мавсумида "Ливерпуль" чемпионат турнир жадвалида бешинчи ўринни эгаллаганди.
