— Сиз 39 ёшга тўляпсиз. Формангизни шунча вақт мобайнида қандай сақлаб қоляпсиз?
— Майдонда мен ёшим ҳақида эмас, футбол ўйнашдан оладиган завқим ҳақида ўйлайман ва жисмонан ўзимни яхши ҳис қиляпман. Ёшимга қарамай, ғалабалар учун курашишга ва бор кучимни беришга астойдил бел боғлаганман. Эртами-кечми танам таслим бўлиши мумкин, лекин ҳозирча мен завқ оляпман. Мен ўйнашни яхши кўраман ва ҳар доим буни максимал даражада яхши бажаришга ҳаракат қиламан.
— Туғилган кунингиз учун энг яхши совға нима бўларди?
— Мен Худодан ортиқроқ нарса сўрай олмайман. У менга спортда ҳамма нарсани берди ва мен сўрай оладиган ягона нарса — бу ўзим ва оилам учун саломатлик, шунингдек, одамларга шунча вақт давомида қувонч бағишлаган ушбу жамоа билан бу лаҳзалардан завқланишда давом этишдир.
— Яна бир Жаҳон чемпионати ҳақида нима дейсиз?
— Очиғини айтсам, Худодан буни сўраш жуда кўплик қиларди. У менга берган нарсалар етарлидан ҳам ортиқ. Энди менга фақат завқ олиш ва ҳар доим энг юқори даражада рақобатлашишга тайёр бўлган ушбу жамоа билан яна бир бор [ғолиб чиқишга] уриниб кўриш қолди, — деди Месси.
