"Ҳа, минг марта. Одамлар сенга нисбатан билвосита ирқчилик қилишади, лекин баъзан буни ўзлари ҳам англамайди. Одамлар тушунмаса-да, аслида ирқчилик бўлган кўплаб изоҳлар, қарашлар ва вазиятлар бўлади. Буни меъёр деб қабул қилинадиган муҳитда улғаймаганман, чунки нотўғри нарсани ҳеч қачон меъёр деб бўлмайди, бироқ шу билан бирга бу ҳолат сенинг ғашингга ҳам тегмайди.
Масалан, "Бернабеу"даги ўша машҳур видео: у ерда мен ва Рафиньяга турли гапларни бақиришди, одамлар эса менинг муносабатимдан ҳайратда қолишди. Ахир, агар у одам мени қоратанли деса, бу мени заррача хафа қилмайди. Мен қоратанлиман, бошқа рангга эга эмасман. У буни камситиш оҳангида айтаётгани учун бунинг тўғри ёки нотўғрилиги — бошқа масала. Бу нотўғри албатта, лекин мен футбол ўйнаб туриб, мени кўриш учун чиптага пул тўлаб, сўнгра менга ҳурматсизлик қилган одам туфайли асабийлашиб ўтирмоқчи эмасман", – деди Ямаль.
19 ёшли испаниялик футболчи 2024 йил 26 октябрь куни "Реал"га қарши баҳсда "Сантьяго Бернабеу" стадионида рўй берган воқеани эслаб ўтди. Ўшанда у ва Рафинья голни нишонлаётган вақтда трибуналардан билдирилган ирқчилик ва ксенофобияга оид ҳақоратли ҳайқириқлар нишонига айланган эди.
