Кубарси Европада йилнинг энг яхши ёш футболчисига бериладиган Golden Boy совринини қўлга киритди

Aslanov Jasurbek

9 ноя 2026, 21:09

"Барселона" ҳимоячиси Пау Кубарси Европада йилнинг энг яхши ёш ўйинчиси деб топилди ҳамда Италиянинг Tuttosport нашри томонидан анъанавий тарзда топшириладиган нуфузли Golden Boy мукофотига созовор бўлди.

Эслатиб ўтамиз, 2025 йилда мазкур совринга "ПСЖ" вингери Дезире Дуэ эга чиққан эди.

Якунланган мавсумда Кубарси Испания чемпионатида жами 31 та ўйин ўтказиб, ўз ҳисобига 1 та гол ёздириб қўйди. Пау "Барселона" сафида Ла Лига ва Испания Суперкубогида зафар қучган бўлса, Испания терма жамоаси билан биргаликда жаҳон чемпионига айланди.