Барселонадаги "Спотифай Камп Ноу" стадионида кечган баҳсда мезбонлар 7:2 ҳисобида йирик ғалабани қўлга киритишди. Учрашувда Хосе Мунуэра Монтеро бош ҳакам сифатида ишлади.
8-дақиқада "Барселона" ҳимоячиси Жоау Канселу ҳисобни очди. 25-дақиқада форвард Рафинья пенальтини аниқ амалга ошириб, "кўк-анорранглилар"нинг устунлигини оширди. Орадан беш дақиқа ўтиб, "Расинг" ярим ҳимоячиси Магетт Гейе жавоб тўпини киритди. 36-дақиқада меҳмонлар ҳужумчиси Асьер Вильялибре ўз дарвозасини ишғол қилиб қўйди. 42-дақиқада Рафинья ўйиндаги иккинчи голини урди. 65-дақиқада форвард Яссир Забири "Барселона" дарвозасига жамоасининг иккинчи тўпини киритди. Икки дақиқа ўтиб, Рафинья яна бир пенальтидан унумли фойдаланиб, хет-трикни расмийлаштирди. 79-дақиқада каталонияликлар ҳужумчиси Габриэл Жезус меҳмонлар дарвозасига олинчи голни урган бўлса, 89-дақиқада вингер Ламин Ямаль ўйинга якуний нуқтани қўйди — 7:2.
"Барселона" - "Расинг" 7:2
Голлар: Канселу 8, Рафинья 25 (пен.), Вильялибре 36 (автогол), Рафинья 42, Рафинья 67 (пен.), Жезус 79, Ямал 89 - Гейе 30, Забири 65.
Испания чемпионатида олтита ўйин ўтказган "Барселона" 18 очко тўплаб, турнир жадвалида биринчи ўринни эгаллаб турибди. "Расинг" эса 7 очко билан 12-поғонадан жой олган.
