ЖЧ-2030да ҳам сув ичиш учун танаффуслар сақланиб қолиши мумкин

Aslanov Jasurbek
18 ноя 2026, 19:18
ФИФАнинг ЖЧ-2030 телеҳуқуқларини сотиш бўйича ҳужжатлари уч дақиқалик сув ичиш (hydration breaks) танаффуслари турнир дастурида қолиши мумкинлигини кўрсатмоқда, деб хабар беради The Guardian.

Эфирга узатувчилар учун тайёрланган тендер материалларида айнан ушбу тўхталишлар пайтида реклама сотиш имконияти назарда тутилган.

Эслатиб ўтамиз, бундай танаффуслар илк бор 2026 йилги жаҳон чемпионатида барча ўйинлар учун ялпи тарзда жорий этилган ва бу ҳомийлардан тушадиган даромадларни ошириш имконини берган эди.

Шунга қарамай, ФИФА 2030 йилги мундиалда мазкур танаффуслардан фойдаланиш бўйича якуний қарор ҳали қабул қилинмаганини таъкидламоқда. Мусобақа асосан Марокаш, Испания ва Португалияда ўтказилади, очилиш маросими доирасидаги учта учрашувга эса Жанубий Америка мезбонлик қилади.

Ўхшаш янгиликлар

Aslanov JasurbekМуаллиф
Манба: The Guardian

Сўнгги янгиликлар

Барча ›