- Ўйин ҳақида фикрингиз?
- Бугун чиройли ўйин кечди деб ўйлайман. Ҳар икки жамоа ғалаба учун майдонга тушгани кўриниб турди. Биз биринчи бўлимда ўйлаган режаларимизни амалга оширишга уриниб кўрдик, лекин вазиятлардан тўлиқ фойдалана олмадик, шу боис биринчи тайм дуранг билан тугади. Танаффусдан кейин имкон даражасида ҳар бир ҳужумни гол билан якунлашга ҳаракат қилдик ва бунинг уддасидан чиқдик. "Яйпан" жамоасининг ўйини менга ёқди, олдин ҳам ўйинини кўргандим, рақибда жамоавий ўйин бор.
- Бугунги ғалабага тажрибали футболчилар қўшган ҳисса катта бўлдими?
- Бу ўйинда дарвозабонимиздан тортиб майдонга тушган барча футболчилар катта ҳисса қўшишди. Кимнидир алоҳида ажратишни хоҳламасдим, тўғри тажриба ўз сўзини айтди.
- "Шўртан" олдига Суперлигага чиқиш вазифаси қўйилганми?
- Ҳа, шундай вазифа бор. Буёғини ҳаёт кўрсатади.
