Championat.asia sayti turning eng yaxshilarini aniqladi.
Tur murabbiyi - Zayniddin Tojiev (“G'azalkent”)
Ortda qolgan turda "G'azalkent" Bekobodda "Sho'rtan" ustidan muhim g'alabani qo'lga kiritdi (2:1). Mazmunli va ishonchli o'yin namoyish etgan jamoaning bosh murabbiyi esa haqli ravishda tur murabbiyi deb topildi.
Tur futbolchisi - Ravshan Abdumannonov (“Olimpik-MobiUz”)
"Olimpik-MobiUz" bu turda o'z maydonida "Yaypan"ni qabul qilib, 4:2 hisobida g'alaba qozondi. Championat.asia sayti uchrashuvda jamoasining birinchi va to'rtinchi gollariga mualliflik qilib, dublni rasmiylashtirgan yarim himoyachi Ravshan Abdumannonovni tur futbolchisi deya etirof etdi.
Tur darvozaboni - Mohir Komilov (“Metallurg”)
"Metallurg" mehmonda "FarDU" ustidan 1:0 hisobida g'alaba qozondi. Bahs davomida jamoasini muqarrar gollardan qutqarib, "quruq" o'yin o'tkazgan bekobodliklar posboni turning eng yaxshi darvozaboni sifatida etirof etildi.
Tur goli - Muzaffar Mo'minov (“Yaypan”)
"Olimpik-MobiUz" bilan bahsning 49-daqiqasida "Yaypan" yarim himoyachisi Muzaffar Mo'minov jarima maydoni tashqarisidan chap oyog'i bilan darvoza to'rini aniq nishonga oldi va muvozanatni tikladi. Bu super gol yakunda turning eng chiroyli goli sifatida etirof etildi.
