Ислом Исмоилов иштирокидаги матбуот анжумани ўтказилди

Мусобақага тайёргарлик жараёни Осиё Кубогидан сўнг қисқа вақт бор эди, барча имкониятларни ишга солиб тайёрландик. Кайфият яхши, жамоа тайёр.

Вазиятга реал қараш керак. Аниқ чемпионлик вазифаси белгилангани йўқ. Лекин аввалги натижаларни яхшилашимиз керак бўлади.

Мен учун мураббийлар штабимдагилар энг зўрлари. Масалан, Саудия Арабистонида 34 нафар мураббий ишлар экан. Натижаси қандай? Мураббийнинг ишига натижа баҳо беради. Натижа ёмон бўлса, мураббийлар штаби яхши ишламаган бўлади. Яхши кетаётган нарсани ўзгартиргим келмади. ЎФА томонидан бу борада ҳеч қандай таъқиқ бўлмади. Мураббий олишимиз ҳам мумкин эди. Лекин мен учун ҳозир ишлаётганлар энг зўри.

Садриддин Ҳасанов ОФК томонидан йилнинг энг яхши ёш футболчиси сифатида танланмагани яхши бўлди. Сабаби Жаҳон чемпионатидан олдин бундай эътироф унинг кейинги фаолиятига акс таъсир кўрсатиши мумкин эди. Мен учун ҳар бир футболчим – энг яхшиси.

Жаҳон чемпионатида осон рақиб бўлмайди. Парагвай ўз қитъасида Аргентина ва Чилини мағлуб этган. Панама жисмоний жиҳатдан кучли жамоа. Ирландия европача футбол намойиш этади. Бизда ҳар бир рақибга қарши ўйлаб қўйган режаларимиз бор.

Ҳар бир ўйинда футболчилар олдига ютиш вазифасини қўямиз. Кўпчилик айтиши мумкин, ўртоқлик учрашувида натижа шарт эмас, деб. Бу ерда ватан шаъни туради. Қайси схемани, тактикани синовдан ўтказишимиздан қатъий назар ғалаба биринчи ўринда туради.

Билим томонлама доим ўрганишга мажбурмиз. Футбол бир жойда турмайди. Тактик томонлама идеал мураббий эмасман. Хорижликлардан ҳам, ўзимизникилардан ҳам ўрганамиз. Жаҳон чемпиони бўлишга потенциалимиз етадими ёки йўқ, буни билмадим. Лекин бир кун келиб орзуимга эришаман.

Жаҳон чемпионатига саримсоқпиёз эмас, бошқа хийла ўйлаб қўйганмиз.

ЯНГИЛАШ