"Ипсвич" жамоаси ҳужумчиси Лиэм Делап "Челси" клубига ўтади. Бу ҳақда таниқли инсайдер Фабрицио Романо маълум қилди. Унга қизиқиш билдираётган "Манчестер Юнайтед", "Нюкасл", "Эвертон", "Ноттингем Форест", "Милан" ва "Ювентус" клубларига футболчининг бошқа жамоага ўтаётгани айтилган. Айни дамда "Челси" футболчи ва "Ипсвич" билан музокараларни ҳал қилди. "Челси" унинг шартномасида кўрсатилган товон пулини тўлайди. Футболчининг шартномаси бўйича унинг товон пули 30 миллион фунт стерлингга тенг.
Ўтган мавсумда Делап АПЛда 37 та ўйинда иштирок этиб, 12 та гол урди.
