Бу жамоа 22 йил ўтиб АПЛга қайтди
04 май 2024 18:36
Янгиликлар

Бу жамоа 22 йил ўтиб АПЛга қайтди

"Ипсвич Таун" келаси мавсум Англия Премьер-лигасида ўйнайди.

Киран Маккена бошчилигидаги "Ипсвич" Чемпионшипнинг 46-турида "Хаддерсфилд"ни таслим қилди (2:0) ва 96 очко тўплаб, мавсум якунига кўра жадвалда иккинчи ўринни эгаллади.

"Тракторчилар" рақиби "Лидс" эса сўнгги турда "Саутгемптон"га мағлуб бўлиб (1:2), учинчи ўринда қолди. Олдинроқ "Лестер Сити" АПЛ йўлланмасини қўлга киритган эди.

Чемпионшипнинг биринчи ва иккинчи ўрин эгалари АПЛга йўл олишди. Кейинги тўртта ўрин соҳиблари ("Лидс", "Саутгемптон", "Вест Бромвич" ва "Норвич") плей-офф ўйинларида иштирок этишади.

"Ипсвич Таун" сўнгги бор 2001/02 мавсумда АПЛда иштирок этган эди.

ЧЕМПИОНШИП ЖАДВАЛИ

Ҳавола :

Манба : championat.asia

Янгиликларни Телеграмда ўқинг!

Рейтинг: +16